طريقة عمل اللوبيا ام عين سودا بالطريقة المصرية

طريقة عمل اللوبيا ام عين سودا بالطريقة المصرية


لا شك أن اللوبيا اكلة من البقوليات جميلة كلنا منقدرش نستغني عنها وبنحبها وهي من أحلى الأكلات خصوصا لو مع اللحمة بتبقي احلي وطعمها اطري واجمل وممكن تتعمل مع فراخ او بط عادي بس عمتا الطبيه بيبقي احلي لو جنبه لحمة ومعمول في اللحمة والسمنة كدة وعلشان الأكلة يطلع حلو اوي لازم نسلق اللوبيا في ميه على النار الأول علشان تستوي كويس وتبقى طرية قبل ما نطبخها أو ننقعها قبلها بيوم في مية وملح اعملي الأكلة بالطريقة دي وادعيلي وبالهنا هنا وشفا ياست الكل .

مكونات اللوبيا باللحمة:-

  • لحمة
  • طماطم
  • صلصة
  • زيت
  • معلقة سمنة
  • ملح
  • فلفل اسمر
  • شطة
  • كمون
  • مرقة دجاج
  • توابل

مكونات الارز بالشعرية:-

  • رز
  • شعرية
  • زيت
  • معلقتين سمنة
  • ملح

طريقة عمل اللوبيا باللحمة:-

  • اولا هنجيب وعاء عميق ونحطوا علي النار ونحط معلقتين سمنة معلقتين زيت و نقشر بصل وفصين توم و نفرمهم في الكبة ونقلبها في الزيت والسمنة كويس ياخدو اللون الذهبي .
  • وبعدين ننزل باللحمة عليها ونقلب كويس تنزل ظافرتها وبعدين نحط نص كوباية مية عليها ونديها كم غلوة .
  • وبعدين نضرب الطماطم فى الخلاط ونصفيها ونحطها في اللحمة وبعدين نديها كم غلوة كدة و نزودها مية ونحط صلصة وملح وفلفل اسمر وشطه وكمون ومرقة دجاج ونسيبها تغلي ساعتين مع مراعاة أننا نزود مية عليها بس مش كتير.
  • وبعدين نحط اللوبيا بعد مانسلقها ونديها غلوة خمس دقائق وبالهنا والشفا.

طريقة عمل الارز بالشعرية:-

  • اولا بنجيب وعاء عميق ونحط فيه معلقتين سمنة وشوية زيت .
  • ونحط شعرية ونقلبها كويس لأحد ماياخد اللون الأصفر أو الذهبي ونغسل الرز ونحطوا فيه ونحط ملح ونقلب كويس ونحط مية ونحط مية لأحد ماتشربها ونوطي عليها وبالهنا 

طريقة عمل الرز باللبن :-

  • اولا هنجيب وعاء عميق ونغلي فيها اللبن مع شوية مية او كيس لبن نيدو وشوية نشا وسكر علي حسب الكمية وسنة ملح وقشطة وبعدين نغسل الرز ونحطه ياخد كم غلوة كدة وبعدين نحطها في طبق وبالهنا والشفا.

طريقة عمل محشي الكوسا بالطريقة المصرية

طريقة عمل محشي الكوسا بالطريقة المصرية


المحشي من احلي واجمل الاكلات على الإطلاق اكلة كلنا بنحبها و مستغناش عنها بنحب نعملها علي طول في أي وقت وهي من اشهر واحسن الأكلات اللي المصريين بيحبوها والدول العربية بردو لأنهم يحسوها طعمها أنها اكلة مشبعة و ينفع تتعمل في العزومات جنب اي اكل تاني زي المحاشي بجميع أنواعها كلها والبط والحمام المحشي مكونات كتير بس اكلتوا بسيطة بيتاكل في دقائق خصوصا لو سخن ملهلب وياسلام لو مزودة التسبيكة عليه بيبقي طعمة تحفة وله مذاق خاص ولو كمان مستوي بشكل كويس هتاكلي صوابعك وراه ياست الكل وطبعا احنا هنتكلم عليه دلوقت للمبتدئين واللي لسة في اول حياتهم بكل تكاتو

مكونات المحشي:-

  • كوسة متقورة
  • باذنجان متقور
  • خضرة
  • أرز
  • طماطم مضروبة في الخلاط
  • صلصة
  • ملح
  • فلفل اسمر
  • شطة
  • توابل محشي
  • فلفل
  • طماطم
  • زيت
  • سمنة
  • بصل
  • مرقة دجاج

مكونات الحمام المحشي:-

  • حمام متنضف في ملح وخل ولمون
  • ملح
  • رز
  • سمنة
  • بصل
  • مرقة دجاج
  • مية
  • فلفل اسمر
  • توابل

طريقة عمل الحمام المحشي:-

  • اولا هنضف الحمام كويس في خل وليمون وملح واغسلوا بشكل نظيف وكويس جدا .
  • وبعدين هتكون تنقعين الرز في مية ساعة كدة وبعدين نجيب وعاء عميق ونحط فيه مية ونسبها تغلي ونجيب بصلية ونقشرها ونحطها.
  • وبعدين ملح وفلفل اسمر ومرقة دجاج وتوابل وبعدين نجيب الرز ونحط عليه ملح وفلفل اسمر ومرقة وسمنة ونحركهم في بعض ونحشى بيهم الحمام ومحيطها في المية المغلية ونسبها حوالي ساعة مع توطئة النار تغلي وتساوي.
  • وبعدين لما نطلعها نحمرها في الفرن او زيت وبالهنا والشفا 

طريقة عمل المحشي:-

  • اولا هنقوم المحشي الباذنجان والكوسة كويس جدا ونغسلها كويس .
  • وبعدين نحضر الخلطة بتاعت المحشي اللي هي هنسيبك الطماطم اولا هنجيب وعاء عميق علي النار ونقشر البطل ونحط معلقة سمنة وشوية زيت علي الوعاء العميق ومقشر بصلة ونقطعها ونحطها ونقلب كويس لأحد مايبقي لونوا زهبي .
  • وبعدين ننزل عليها بعصير الطماطم بعد ما ضربها في الخلاط وصفيها.
  • وبعدين نحط معلقة صلصة وملح وفلفل اسمر وتوابل ومرقة دجاج ونسبها تتسبك كويس
  • وبعدين نطفى عليها والخضرة نغسلها ونقطعها ونغسل الرز ونحطه عليها ونحط تسبيكة الطماطم ونظبط الملح.
  • وبعدين نحشي أصابع الباذنجان والكوسة وفلفل وطماطم كمان لو حبينا ونجيب الوعاء اللي فيه المحشي ونسقية شوربة حمام.
  • وبعدين نحطها على النار ونوطي عليها وبالف هنا وشفا.

طريقة عمل الكوسة المطبوخة باللحمة

طريقة عمل الكوسة المطبوخة باللحمة


معانا موضوع جميل واكلة جميلة ملينة فوايد وهي الكوسة باللحمة البلدى او اي لحم متوفر عندك وهي طعمها جميل ولذيذ جدا ومن اهلي الأكلات اللي ممكن ناكلها سهلة الهضم وسهلة الطبية بالنسبة للعرايس والمبتدئين وكل ست بيت مش عملتها قبل كدة وجبت تجربها في البيت وتعمل لجوزها وعيالها هي سهلة علي السنان ولذيذة في الطعم وهى من الأكلات المتوفرة في السوق لان الكوسة موجودة في أي وقت شتاء أو صيف واي طقس تحبي تاكلي فيها لانها اكلة مميزة وحلوة والاحسن أنها تتعمل باللحمة احسن من الفراخ او اى زفارة تانية بالنسبة بالأكل ولو جنبها رز بشعرية كمان تبقي احلي واجمل واو رز محمر عادي .

المكونات الكوسة باللحمة:-

  • كوسة مقشرة ومقطعة دوائر
  • لحمة
  • ملح
  • فلفل اسمر
  • توم
  • بصل
  • طماطم
  • صلصة
  • توابل
  • مرقة

طريقة عمل الكوسة باللحمة:-

  • اولا هنجيب وعاء عميق ونحطوا علي البوتجاز ونحط معلقة سمنة وشوية زيت وبعدين نقشر بصلة ونقطعها مفروم فصين توم ونقلبها في الزيت والسمنة ونحط اللحمة ونقلبها كويس لأحد ماتنزل ميتها.
  • وبعدين نحط كوب مية ونديها المية غلوة مع اللحمة .
  • وبعدين نضرب عصير الطماطم وملعقتين صلصة في اللحمه ونسيبها ساعة ونص او ساعتين تاخد كم غلوة .
  • وبعدين نكون قشرنا الكوسة وقطعيها وحطيها على الطماطم ولما تخس ميتها نزود نص كوب ماء بس ونحط مرقة وتوابل وملح وفلفل اسمر وبالهنا والشفا ١٠دقايق بس..

مكونات الأرز:-

  • شعرية
  • أرز
  • ملح
  • مية
  • زيت
  • معلقة سمنة

طريقة عمل الارز بالشعرية:-

  • هتجيبي وعاء عميق ونحط فيها معلقة سمنة معلقتين زيت.
  • ونقلب شعرية فيها كويس لحد ما ياخد اللون الذهبي.
  • وبعدين نغسل الرز ونحطوا ونحط ملح ونقلبهم في بعض ونزود ميه عليهم و نظبطها تبقي على الوش وبالهنا والشفا على قلوبكم وانتظروني في مواضيع قادمة كتير واحلى واجمل الاكلات الشرقية والغربية والحلويات وأصناف رمضان .
  • وكل سنة وانتم طيبين وبالهنا والشفا دلوقت عندنا مواضيع للمبتدئين والعرائس والغزوات وتحت امركم في اي استفسار عن اي حاجة تعوزها أو تحبوا تسألوا عنها .

طريقة عمل السمك المقلي ورز الصيادية والباذنجان المقلي

طريقة عمل السمك المقلي ورز الصيادية والباذنجان المقلي 

دلوقتي معانا طريقة عمل السمك المقلي اللي كلنا بنحبو انا عن نفسي افضل عن المشوي لاني بحب الحاجات المقلية مع أن المشوي فوائد
أكثر من المقلي وهو من الأكلات المحببة والسمك مليان فسفور وفوائد كثيرة كلنا عارفنها وطبعا هي اشهى واطعم الاكلات وتغير عن أي أكلة أخرى وممكن تتعمل في أي وقت نحبوا وطبعا المصريين بيحبوا الأكلة دي لانها السمك خفيف ولحم وخفيف على المعدة ومش بيتعب ولا بيلكم المعدة لا هو خفيف على المعدة جدا

مكونات السمك
سمك شبار
فلفل
توم
ملح
كمون
زيت 
ليمون
خل
بهارات السمك

مكونات رز الصيادية
رز
بصل
فصين توم مدقوقين
ملح
كمون
زيت
مية

مكونات الباذنجان والفلفل المقلي
باذنجان
فلفل
توم
ملح
كم فلفل اسمر
زيت

طريقة عمل السمك …
اولا السمكة بنضفها بأننا بنشبل القشر بتاع السمك الآلي بره السمك بعكس الاتجاه وبعدين نشيل الزيل والحرافيش اللي علي الجناب و رأس السمكة و نفتح السمكة من جوه ونظفها كويس  ونشيل الزفرة 
اللي جوه السمك ونغسلها كويس وبعدين ننقعها في مية وملح وخل ولمون ساعة تقريبا  وبعدين نبتدي نعمل دقة اللي هي فلفل مغسول كويس وتقشر راس توم وبعدين نحطهم في الهون ونحط ملح وفلفل اسمر وكمون وشطة وليمون و ندقهم كويس جدا و نغسل السمك ونحشيها الحشو دة وبعدين نجيب دقيق و نغمس السمك من الجانبين 
نعرفها دقيق ونجيب طاسة. ونحط نصها زيت قلي وبعدين نحط السمك ونقلية مع مراعاة توطئة النار وبعدين لحد ما يقرمش واطلعوا على مناديل وتصفيه علي فكرة لو مش عاوزة السمك يعمل زفارة في البيت ممكن تحطي في زيت القلي قشر السمك بحيث مش هيطلع ريحة وبكدة يكون السمك جاهز وبالهنا والشفا

طريقة عمل رز الصيادية
رز
بصل
مية
كمون
ملح
دقة فلفل وتوم
هيجيب وعاء عميق ونقطع بصلية ونحطها مع ربع كوب زيت ونقلب البصله علي النار لأحد ماتاخد لون غامق بس متتحرقش وبعدين ننزل عليها بكوبين مية ونحط ملح وفلفل اسمر وكوم ودقة فلفل التوم حتة صغيرة متبقية من السمك وبعدين تاخد غلوتين ننزل بالرز ونظبط ولما يتشرب المية  نوطئ عليه خالص وبالهنا والشفا..

الباذنجان ينقطعوا دائرة ونقلية علي طاسة علي النار فيها الزيت لأحد ماياخد اللون الذهبي وبعدين تصفية علي مناديل وبعدين نعمل دقة ملح وتوم وفلفل اسمر وكمون وبعدين نحطها علي الباذنجان من فوق وبالهنا والشفا

طريقة عمل الكبيبة والبط البلدي

طريقة عمل الكبيبة والبط البلدي 

معانا موضوع حلو ومميز وجميل جدا وهو طريقة عمل الكبيبة والبط البلدي طبعا احنا مصريين نعرف نفرق بين طرق الشوربة وبعضها وان كل شوربة لها مذاقها الخاص زي شوربة اللحم وشوربة الفراخ 
شوربة البط مثلا وهي من احلي واجمل الشوربة اللي ممكن تخلي اي حاجة زي المحشي والكبابة والملوخية واي خضار كمان لانها سمينة جدا طبعا بتدي مذاق خاص لو في عزومات كمان وفي مناسبات وفي رمضان في أي وقت تحبيه مع أسرتك مع أن في قليل جدا مبيحبوش البط أو مش بياكلوها بس هما مدقوش الطعم الجميل 
ومعانا ومعاكو الطريقة دلوقتي لعمل البط والكبابة 

مكونات البط ..
بطة
ملح
فلفل اسمر
مرآة دجاج
مية
بهارات
حبهان
 ومستكة
 وورق لوري 
رز
بصل
معلقتين سمنة 

مكونات الكبابة..
رز
وبصل
توم
لحمة بلدي
ملح
فلفل اسمر
مرآة دجاج
شوربة
خضرة

طريقة عمل البط
 اولا لاننا هنحتاج شوربتها وهتاخد وقت علي النار اولا هنجيب حلة
ونحط نصها مية ونسبها تغلي نكون مجهزين البط وغسلنها بملح 
ولمون وخل كويس وبعدين نغسلها تاني كويس وبعدين هنجيب رز ونحطها علي طاسة علي نص كوب مية ونبشر بصلية وملح وبهارات وفلفل اسمر ملعقتين سمنة وبعدين نحشي بيها البطة ونقلها ونغزها في ضهرها بالسكينة وبعدين نحطها في المئة اللي بتغلي ونحط بصلة كبيرة نكون مقشرها ومقطعها ونحط ملح وفلفل اسمر وبهارات وحبهان وورق لوري ومستكة وبعدين لما تبتدئ تغلي نوطئ عليها مع مراعاة أننا نقلب على جنبها و وشها وظهرها كل شوية 
وبعدين نسبها ساعة أو ساعة ونص علي حسب ماتستوي وبعدين نطلعها ونحمرها في الفرن وبالهنا والشفا

طريقة عمل الكبيبة..
نغسل الرز ونغسل الخضرة ونقطعها عليها وبعدين نجيب الهون ونحط اللحمة والثوم وشوربة خضار عليها وملح وفلفل اسمر وبهارات وبصل وندق ونحطها على الرز والخضرة اللي غسلها ونقلب كويس وندق جامد بالعون أو لو عندك مفرمة وبعدين نعمل صوابع تخينة ونرصها جنب بعض في حلة وبعدين نحط عليهم شوربة نسقيهم كدة وبعدين نقطع بصلتين ونحمرها على النار وبعدين نسقي بيها الكبابة من فوق ونوطي النار وبالهنا والشفا .


ارز باللحم

طاجن أرز باللحمة والمكسرات


المقادير :_
أكواب أرز طويل.
كيلو لحمة غنم (حسب الرغبة)
حبات بصل كبيرة.
كوب حمص.
كوب سمنة.
بهارات قرفه ورشه ملح وفلفل أسود.
كوب مكسرات مختلفة.

طريقة التحضير :_
قومي بغسل الأرز ، ثم ضعيه  في ماء مغلي وملح.
ضعي إناء علي النار به الزيت والبصل المفروم حتى يتغير لونه.
قطعي اللحمة إلى قطع متوسطة واضيفيها إلى البصل حتى يتغير لون اللحمة ثم ضيفي الحمص واتركيه لدقائق حتى تتجانس المكونات.
ضيفي الى الإناء ماء والبهارات والقرفه حتى تنضج اللحمة.
قومي بسكب الأرز إلى اللحم وأضيفي بعض الماء مرة أخري وعلي نار قويه.
في النهاية ضعي الأرز باللحمة في طبق التقديم ويزين بالمكسرات ويقدم مع البطاطس المقلية والكول سلو.

شيش طاووق

المقادير :_
 2 من ورك فراخ مقطعة مكعبات.
فلفل حار.
طماطم مقطع مكعبات.
بصلة متوسطة الحجم مقطعة مكعبات.
علبة زبادي.
البهارات رشة ملح وفلفل أسود وبابريكا.
½ كوب زيت ذرة.

طريقة التحضير :_
قومي بتتبيل مكعبات الفراخ بالزبادي والبهارات و1/2 كوب زيت واتركيه ساعات.
احضري خلة الشيش طاووق ضعي قطعه الفراخ ثم البصل ثم الطماطم ثم الفلفل حتي تنتهي الكمية.
ضعيها في قلب في الفرن تحت الشواية لمدة 25 دقيقة.

طريقة عمل سجق بالخضار

طاجن سجق بالخضار


المقادير :_
½ كيلو سجق مقطع.
¼ كيلو طماطم مفرومة.
حبات من الفلفل الحار مقطع الى شرائح
حبات من البطاطس مقطعة الى مكعبات.
حبة بصلة مقطعة شرائح.
فص ثوم مهروس.
البهارات رشة ملح وفلفل أسود وقرنفل و زنجبيل.
½ ملعقة بابريكا.
ملعقة ك صلصة طماطم.
ملعقة ك زيت.


طريقة التحضير :_
ضعي مقلاة عميقة علي نار هادئة ، وضعي الزيت ثم ضيفي البصل حتى يلين ، ثم يضاف الفلفل الحار والثوم وقلبية جيداً دقائق .
ضيفي السجق المقطع نصفين وقلبي المكونات جيداً ثم ضعي صلصة الطماطم وكافة البهارات وحركي المكونات واتركيهم ربع ساعه.
ضعي مقلاة اخري علي النار بها زيت غزير ثم ضعي البطاطس واتركيها حتى يتغير لونها الي الذهبي.
احضري طاجن وضعي به البطاطس والسجق ويغطي بورق فويل وضعيه في الفرن 20 دقيقة.
بعد الـ20 دقيقة قومي بإزالة الفويل من على الطاجن ، واتركيه في الفرن 10 دقائق فقط.

طاجن كفتة السمك

طاجن كفتة السمك


المقادير :_
كيلو سمك فيليه.
حبة بصلة مفرومة.
حبة بصلة مقطعة شرائح.
البهارات ملح وفلفل اسود.
ملعقة ص كركم.
ملعقة ص بهارات سمك.
ملعقة كزبرة ناشفة.
ملعقة زيت زيتون.
زيت للتحمير.

طريقة التحضير :_
ضعي السمك في الكبة وافرمي جيداً ،ثم ضيفي باقي المقادير وافرمي مرة أخرى.
سخني مقلاة بها زيت على النار ثم ضعي بها البصل المقطع شرائح واقليها حتى يتغير لونها.
شكلي خلطه السمك على شكل أصابع حتي تنتهي من الكمية.
احضري طاجن وضعي به البصل المقلية في القاع ثم اصابع الكفتة وعلي وجه الكفته ضعي زيت الزيتون ثم أتركية في الفرن في درجة حرارة 180°

كوسه بالبشاميل

المقادير :_
كيلو كوسه.
½ كيلو فراخ مقطع مكعبات صغيرة.
بصلة.
ملعقة زبدة.
ملعقة كبيرة دقيق.
ونصف كوب حليب.
ملعقة صغيرة ملح وفلفل أسود.
ملعقة بهارات فراخ أو مكعب مرقة دجاج.

طريقة التحضير :_
قومي بتقطيع الكوسة إلى شرائح وضعيها مع البصل في مقلاة بها ملعقة زبده حتى يتغير لون البصل والكوسة.
ضعي الفراخ المقطعة مع ملعقة الزبدة في مقلاة أخرى مع البهارات.
لتحضير البشاميل ضعي على النار زبدة مع الدقيق والحليب وملح وفلفل اسود حتى تتماسك.
ضعي الفراخ مع الكوسه وضعيهم في قالب فرن ثم البشاميل وجبن مبشوره (حسب الرغبةعلى درجة حرارة 180° حتى يتغير لونها.

طاجن سمك بلطى

طاجن سمك


المقادير :_
كيلو سمك بلطي او اي نوع (حسب الرغبة)
من البصل كبيرة الحجم.
حبات من الفلفل الأخضر الحار.
فصوص ثوم مفروم.
كوب عصير طماطم.
¼ كوب عصير ليمون.
ملعقة خل.
بهارات ملح وكمون وكزبرة.

طريقة التحضير :_
قومي بتنظيف السمك بالملح وعصير الليمون والخل واتركيهم 10 دقائق ثم اغسليه بالماء.
ضعي الثوم المفروم والفلفل الحار والكزبرة والكمون في بطن السمك.
قومي بتقطيع البصل الى شرائح واحضري عصير الطماطم وقلبيها جيدا مع بعض وضعي البهارات.
احضري طاجن وضعي به كل المقادير السابقة مع السمك وضعيه في الفرن مع حرارة ٢٦٠ درجة مئوية.

طاجن كفتة بالبطاطس

المقادير :_
كيلو لحمة مفرومة.
كيلو بطاطس مكعبات.
بصلة مقطعة شرائح.
فص ثوم مفروم.
فلفل حار.
مكعب مرقة دجاج.
ملعقة زيت.
ملعقة سمنة.
البهارات ملح وفلفل أسود.
مقادير الكفتة :_
حبات بصل مفرومين.
معالق كبار بقسماط.

طريقة التحضير :_
احضري وعاء وضعي البصل على اللحمة والبقسماط والبهارات وقلبيه وجيداً وشكليه على شكل كور او اي شكل ترغبينة ، ثم ضعي مقلاة بها زيت على النار وقومي بتحمير الكفتة ، واتركي الكفتة على جنب ثم ضعي البصل المقطع والثوم المفروم والبطاطس والفلفل الحار ، ثم قلبيه جيداً وضعي مكعب المرقة واتركيهم يغلو مع بعضهم ، وضعي كل المكونات في طاجن في الفرن وغطيها بورق فويل علي درجه حراره 180°

طاجن الجمبري والسبيط

طاجن الجمبري والسبيط

المقادير :_
½ كيلو جمبري وسط.
½ كيلو سبيط.
حبات مشروم.
بصلة شرائح.
فلفل حار.
فصوص ثوم مفروم.
¼ ملعقة ملح و فلفل أسود.
½ ملعقة كمون.
½ ملعقة كزبرة.
¼ ملعقة قرفة.
½ ملعقة بابريكا.
ورقات لوري.
ملعقة زيت.
ملعقة زبدة.
علبة كريمة طبخ.
كوب ماء.


طريقة التحضير :_
ضعي مقلاة عميقة على نار متوسطة بها الزيت و الزبدة ثم ضعي البصل حتى يتغير لونها الى الذهبي ثم ضعي الثوم المفروم والمشروم وبعد دقيقتين ضعي الفلفل الحار والسبيط ثم نصف كوب ماء والبهارات واتركيها على النار.
ثم ضعي الجمبري وقلبيه جيداً وبعد دقائق ضيفي كريمة الطبخ.
ضعي جميع المكونات في قالب فرن على درجه حراره 180°
ممكن تضعي جبنه شيدر وموتزاريلا على الوجه (حسب الرغبة)
ويقدم الطاجن مع ارز ببصل وسلطه او كول سلو.

طاجن ورق عنب بالفراخ فاطمه ابو حاتي

طاجن ورق عنب بالفراخ


كيلو ورق عنب.
قطع صدور فراخ.
بصلة مفرومة.
ملح وفلفل أسود.
مقادير خلطة المحشي :_
كوب أرز.
كوب عصير طماطم.
بقدونس وشبت وكزبرة مقطعة قطع صغيرة.
حبات من البصل مفروم.
بهارات ملح وفلفل أسود وشطة(حسب الرغبة)
كزبرة.
مقادير الطاجن :_
حبة طماطم.
بصلة.
ملعقة صلصة طماطم.
¼ كوب عصير ليمون.
كوب شوربة فراخ.


طريقة التحضير :_
ضعي إناء على النار به ملعقتين زبدة و بصلة مفرومة لمدة دقيقتين فقط ثم ضعي عصير الطماطم والبهارات وبعد دقائق ضعي الخضره المقطعة واطفي النار.
ضعي الأرز على الصلصه والقليل من الزيت حتى تكون لذيذة المذاق.
احضري وعاء قطعي البصلة والطماطم إلى شرائح وضعيها في الوعاء وعليهم عصير الليمون وضعي قطعتين بانيه ثم قومي بلف ورق العنب ثم ضعي باقي قطع البانية وعصير الليمون وعلى الوجه ضعي القليل من الزيت وضعي شوربه الفراخ وملعقة صلصلة وعلى نار عالية وعندما يغلي لمدة 15 دقيقة اطفي النار.

فتة الكوارع السورية

فتة الكوارع السورية



المقادير :_
كوارع.
كيلو أرز.
خبز مقطع مكعبات صغيرة.
½ عصير طماطم.
بصلة.
ملعقة ثوم مفروم.
ملعقة زيت.
 2 ملعقة سكر.
معالق كبيرة خل.
بهارات ملح وفلفل أسود وبابريكا.
ملعقة سكر.
ورق لورا.
سمنة.

طريقة التحضير :_
ضعي الكوارع في وعاء به ماء وخل وملح وليمون وقومي بغسلها بسكين.
ضعي وعاء علي النار وضعي ماء وورق لورا وبصلة واتركيها تغلي وضعي نصف ملعقة سكر وفلفل أسود واتركيها وفي النهايه ضعي ملح.
احضري وعاء آخر به زيت وضعي الثوم وبعد دقائق ضعي الخل وعصير الطماطم واتركيها دقائق وضعي البهارات والبابريكا ونصف ملعقة سكر وقلبية جيداً حتى تتجانس.
ضعي وعاء به زيت والأرز وكوب ماء وكوب شوربه واتركيه يغلي على نار هادئة.
ضعي مقلاة على النار بها ملعقة سمنة وضعي الخبر حتى يغمق لونة.
ضعي سمنه والكوارع في مقلاة اتركيهم حتى يتغير اللون.
ثم احضري قالب التقديم وضعي الخبز وقليل من الشوربة ثم الأرز والشوربة مرة أخرى والصلصة والكوارع.

تكات الممبار

ممبار محشي


المقادير :_
كيلو ممبار.
كيلو أرز.
حبات طماطم مقطعه مكعبات صغيره.
حبات بصل مفروم.
حزمة كزبرة حزمة شبت وبقدونس.
ملعقة ملح وفلفل أسود.
معالق سمنة وملعقة زيت.

طريقة التحضير :_
 قومي بتنظيف الممبار وقطعيه قطع صغيره واتركيه في وعاء بعصير ليمونة ونصف ملعقة كبيرة ملح.
احضري مقلاة وضعي بها البصل المفروم وضيفي عليه مكعبات الطماطم والبهارات واتركيها علي نار متوسطه.
اغسلي الأرز وضفية على المقلاة وضعي الخضرة عليه واقلبيه جيداً وابدأي في حشو الممبار وبعد الانتهاء قومي بسلقها في ماء مغلي وبهارات ملح وفلفل أسود وفي النهايه قومي بتحميرة في مقلاة بها زيت.

تورلي باللحمة

المقادير :_
½ كيلو لحمة مفرومة.
بطاطس مقطعة مكعبات.
كوسة مقطعة مكعبات.
جزر مقطعة مكعبات.
كوب بسلة.
بصلة مقطعة شرائح.
كوب عصير طماطم.
ملعقة صلصة.
ملعقة زيت.

طريقة التحضير :_
قومي بطهي اللحمه المفرومة في مقلاة بها زيت واتركيها.
 ثم قومي بسلق الخضار اولاً البسلة والجزر وفي النهاية البطاطس والكوسة.
احضري مقلاة بها زيت وضعي البصلة و اتركيها حتى يتغير لونها للذهبي ثم ضعي أكواب عصير الطماطم عليها.
احضري قالب الفرن وضعي الصلصة في القالب ثم الخضار المسلوق وقلبية جيداً ثم اللحمه المفرومه وكوب ماء او شوربه ان وجد ثم البهارات الملح والفلفل الأسود (حسب الرغبة، وبعد ذلك ضعي القالب في الفرن على حرارة 180 درجة مئوية.